त्रियुगा नगरपालिका वडा नम्बर ६ का ३ शय ७८ जना जेष्ठ नागरिकलाई सम्मान गरिएको छ। वडाको १९ वटा टोल बिकास सस्थाहरुबाट ७० बर्ष उमेर नाघेका जेष्ठ नागरिकलाई सुक्रबार दोसल्ला ओढाएर सम्मान गरिएको थियो ।
वडा अध्यक्ष योगेन्द्र दाहालले जेष्ठ नागरिक ज्ञानका भण्डार भएकाले उहाँहरुमा भएका ज्ञान आदानप्रदान गर्न र बढ्दो वैज्ञानिकीकरणले आफ्नै सन्तानबाट जेष्ठ नागरिकहरु पीडित हुनेगरेको यथार्थ राख्दै वृद्धवृद्धाको सम्मानले मात्र धर्म परम्परा जीवित रहने विश्वास व्यक्त गर्नुभयो ।छोरा बुहारीबाट वृद्ध बाबाआमा अपहेलित हुँदैआएकाले वृद्धवृद्धाहरुको सम्मानका लागि यस्ता कार्यक्रमहरुलाई प्रथामिकता दिइएको बताउनुभयो । उहाँले जेष्ठ नागरिक सम्मान कार्यक्रमलाई आगामी दिनहरुमा यस किसिमका कार्यक्रमहरु आर्थिक बर्षका बजेट बाट केहिरकम छुट्याएर निरन्तरता दिने प्रतिबद्धता जनाउनुभयो ।
