सत्ता गठबन्धनबाट कोशी प्रदेशमा रिक्त हुने राष्ट्रिय सभा सदस्य पदका लागि कांग्रेसका कृष्णप्रसाद सिटौला र महिलामा माओवादी केन्द्रकी चम्पादेवी कार्कीले शुक्रबार गाईघाटमा आयोजित मतदाताहरु सङ् अन्तरक्रिया तथा परिचय कार्यक्रम गरेका छन् ।
कार्यक्रममा सिटौलाले राष्ट्रको चुनौतीको सामना गर्न सबएदलबीच समझदारी हुन जरुरी भएको उल्लेख गर्दै आफू त्यसप्रति केन्द्रीत हुने बताए । कोसी प्रदेश नामको समस्या अब बार्ताबाट छिटोभन्दा छिटो हल हुन्छ, हामीले जटिल भन्दा जटिल मुद्दा समेत बार्ता बाट हल गरिसकेका छौ उनले भने । उनले पहिचानको नाममा भैरहेको असन्तुष्टिलाई केन्द्र बाट तत्काल सम्बोधन गर्न जरुरी रहेको बताए । उनले प्रदेश लाई अधिकार नदिएको कारण संघियता कार्यान्वयनमा ढिलाइ भैरहेको बताए ।
