मदनभण्डारी राजमार्गको गाईघाट-चुहाडे सडकखण्डमा माइक्रो बसले साइकललाई ठक्कर दिँदा एक को मृत्यु

गएराति मदनभण्डारी राजमार्गको गाईघाट – चुहाडे सडकखण्ड अन्तर्गत राजाबासमा माइक्रो बसले साइकललाई ठक्कर दिँदा एक जनाको मृत्यु भएको छ ।प्र. १–०५–००१ ज ००३५ नम्बरको हायसले साइकललाई ठक्कर दिँदा साइकल चालकको मृत्यु भएको हो ।रौतामाई गाउँपालिका – ७ मुर्कुचीका ३८ वर्षीय तुलसी मंग्रातीको उदयपुर अस्पतालमा उपचारको क्रममा राति नै मृत्यु भएको प्रहरीले जनाएको छ ।माइक्रो र चालक त्रिनपा – १० बोक्सेका ४५ वर्षीय किशोर पोण्डेलाई प्रहरी नियन्त्रणमा रहेका छन् ।