उदयपुरको गाईघाटमा रहेको एक मात्र पुरानो सामुदायिक संगम पुस्तकालयको वार्षिक साधारण सभा सम्पन्न भएको छ । मंगलबार एक औपचारीक कार्यक्रमका बिच पुस्तकालयको २० औँ साधारणसभा तथा छैटौँ अधिवेशन सम्पन्न भएको हो ।अधिवेशनबाट तेस्रो पटक भरत खड्का अध्यक्षमा चयन भएको छ । आयोजित कार्यक्रमका प्रमुख अतिथि नगर उप-प्रमुख महेश्वरी राई रहेका थिए ।नयाँ चयन भएको समितिलाई निर्वाचन मण्डलका संयोजक तथा संगम पुस्तकालयका संस्थापक मोहनबहादुर कार्कीले सपथग्रहण गराएका थिए ।सामुदायिक संगम पुस्तकालयलाई प्रदेश न.१ कै नमुना पुस्तकालय बनाउने योजना साथ अगाडि बढ्दै जाने अधिवेशनमा बोल्ने बक्ताहरूले बताए ।
त्यस्तै समितिको उपाध्यक्ष गीताकुमारी कार्की, महासचिव विनोद खतिवडा, सचिव राजेन्द्रप्रसाद साह, कोषाध्यक्ष रेवतीरमण गेलाल चयन भएका छन् । कार्यसमितिका भर्खरै चयन भएका कार्की, खतिवडा, साह, गेलाल सबै तेस्रो पटक कार्यकालका लागि दोहोरिएका हुन् । सदस्यहरु पवित्राकुमारी राई, मुनु खड्का, टंकप्रसाद गुरागाई, मदनराज कटुवाल, भीमबहादुर खड्का, रेखा चौधरी चयन भएका छन् ।
