सोमबार राति देखि परेको मुसलधारे बर्षाको कारण त्रियुगा नगरपालिका १५ खाबुस्थित तोरीबारीमा बिहान ७ बजे गएको पहिरोले घर पुरीदा एक बालकको मृत्यु भएको छ। मृत्यु हुनेमा बर्ष ९ कि पूर्णकला मगर रहेकी छिन घर पुरीदा मृतककि आमा हिरा मगर गम्भीररूपमा घाइते भएकोले अहिले उपचारको लागि जिल्ला अस्पताल उदयपुर तर्फ ल्याउदै गरेको वडाअध्यक्ष गणेश तिमिल्सिनाले बताए ।
मुसलधारे बर्षा पछी उक्त गाउँमा अहिले चारैतिर पहिरो गइरहेको उनले बताए ।बिहान पहिरो जान थाले पछी आसपासको गाउ बाट स्थानिय बासिन्दाहरु उद्वारको लागि घटना स्थलमा पुगेका थिए ।तोरीबारीमा अहिले पनि चारैतिर बाट पहिरो गइरहेकोले थप क्षेति नहोस् भन्न्को लागि बस्ती अन्यत्र सार्ने तयारी भैरहेको वडाअध्यक्ष तिमिल्सिनाले बताए ।१२ घर परिवारलाई सुरक्षित स्थानमा सार्नको लागि अहिले ठाउ खोजी भैरहेको उनले बताए ।
