सन्नी देओल र अमिषा पटेल स्टारर फिल्म गदर–२ ले बक्स अफिसमा राम्रो कमाई गरिरहेको छ । फिल्मले रिलिजको ५ दिनमै २०० करोडभन्दा बढी कमाइ गरिसकेको छ ।
गदर–२ ले रिलिजको पाँचौं दिनमा पनि धेरै रेकर्ड तोडेको छ । फिल्मले स्वतन्त्रता दिवसमा ५५ करोड कमाएको थियो । योसँगै यो फिल्म १५ अगस्टमा भारतीय सिनेमाको इतिहासमा सबैभन्दा धेरै कमाउने फिल्म बनेको छ । फिल्मको कुल कलेक्सन २२९ करोड भारु रहेको छ । बलिउड हंगामाको रिपोर्ट अनुसार फिल्मले विश्वभर २९० करोड ५९ लाख भारु कलेक्सन गरेको छ ।
यस फिल्ममा सनी देओल फेरि एकपटक तारा सिंहको भूमिकामा देखिएका छन् । यो फिल्म सन् २००१ मा आएको फिल्म गदरः एक प्रेम कथाको सिक्वेल हो । फिल्ममा सनी देओल र अमिषा पटेलसँगै उत्कर्ष शर्मा पनि मुख्य भूमिकामा छन्
